रयत शिक्षण संस्थेच्या दहिवडी काॅलेज दहिवडी मध्ये पोस्टर प्रदर्शनाचा कार्यक्रम उपप्राचार्य प्रा.ए.जे.बरकडे यांच्या प्रमुख उपस्थित संपन्न झाला.
रयत शिक्षण संस्थेत महत्त्वाचे स्थान प्रस्थापित केलेले दहिवडी काॅलेज विवीध उपक्रमात हिरिरीने सहभागी होत असते.येथील विद्यार्थी-विद्यार्थिनी प्रगतशील आहेत.याचाच प्रत्यय पोस्टर प्रदर्शनात आला.कला,वाणिज्य,विज्ञान विभागातील जवळजवळ ३५ विद्यार्थ्यांनी आपापल्या कलेच्या जोरावर दहिवडी शहरातील हाॅटेल व्यवसायांचे अर्थकारण,कोव्हीडचा भारतीय अर्थव्यवस्थेवर होणारा परिणाम,बायोचार व बगॅस पासुन कागदाचे उत्पादन,रशिया-युक्रेन युध्दाची कारणे व भारतावरील परिणाम यासह अनेक विषयांवर प्रकर्षांने प्रदर्शन केले होते.
या प्रदर्शनाचे उद्घाटन उपप्राचार्य प्रा.ए.जे.बरकडे,प्रा.के.एस.शिंदे,प्रा.एस.एम.खेत्रे,प्रा.लुबाळ सर,प्रा.कांबळे सर,प्रा.के.एम.दिघे,प्रा.बजरंग मोरे,क्रीडाशिक्षक प्रा.विक्रम लांडगे,प्रा.एस.एस.चिले,प्रा.मयुरी बोराटे,प्रा.रुपाली पोळ यांनी केले.
यावेळी सर्व प्राध्यापकांनी आपापल्या विषयाच्या विद्यार्थ्यांना प्रदर्शनाविषयी मार्गदर्शन केले.
प्रा.एम.एस.खेत्रे यांनी विद्यार्थ्यांकडुन प्रदर्शनाची माहिती घेऊन चर्चा केली.
