3फेब्रुवारी हा दिवस महाराष्ट्र शासनाने आद्यक्रांतिकारक हुतात्मा दिन म्हणून जाहीर करावा
आद्य क्रांतिवीर राजे उमाजी नाईक ब्रिगेडची मुख्यमंत्री ना.एकनाथ शिंदे यांचेकडे मागणी.
भारताला स्वातंत्र्य मिळून 75 वर्षे पूर्ण झाली.भारताला इंग्रजां च्या गुलामगिरीतून मुक्त करण्यासाठी या देशातील हजारो क्रांतिकारकांनी प्राणप्रणाने लढा दिला. काहींनी सशस्त्र संघर्ष केला. भूमिगत राहून लढा तीव्र केला तर काहींना देशासाठी हुतात्मा व्हावे लागलें. म्हणूनच तर देशाला स्वातंत्र्य मिळालें. त्यामध्ये महाराष्ट्रातील रामोशी बेरड समाजातील उमाजी नाईक यांनी एकोणिसाव्या शतकाच्या सुरुवातीला 1820 ते 1832 या कालखंडात इंग्रजांविरुद्ध प्रखर संघर्ष केला. आपली स्वतंत्र सेना उभारून बंड पुकारले. स्वतः जनतेचा जाहीरनामा काढला.
गावोगावी वाटला.आणि महाराष्ट्राच्या एका भागात म्हणजे साताऱ्यापासून पुण्यापर्यंत आणि अहमदनगरपासून तळ कोकणापर्यंत स्वत:चे प्रतिसरकार निर्माण केले.अशा या आद्य क्रांतिकारक उमाजी नाईक यांना फंदफितुरीने इंग्रजांनी पकडले व 3 फेब्रुवारी 1832 लागि पुणे येथे खडकमाळ या ठिकाणी फाशी दिले.उमाजी नाईक भारताच्या स्वातंत्र्य लढ्यातील आद्य क्रांतिवीर ठरले.अशा या आद्य क्रांतिकारकाचा फाशीचा दिवस 3 फेब्रुवारी आद्यक्रांतीकारक हुतात्मा दिन म्हणून जाहीर करावा व या दिवशी राज्यभर शासकीय निमशासकीय कार्यालयातून आद्यक्रांतिकारक उमाजी नाईक यांना अभिवादन करण्याबाबतचे आदेश शासनाकडून व्हावेत अशी मागणी आद्यक्रांतीवीर राजे उमाजी नाईक ब्रिगेड महाराष्ट्र या संघटनेने मुख्यमंत्री नामदार एकनाथ शिंदे यांच्याकडे आज एका निवेदनाद्वारे केली आहे.पलूस तहसीलदार यांचे मार्फत मुख्यमंत्र्यांना पाठवलेल्या निवेदनावर संघटनेचे राज्याध्यक्ष दगडू जाधव,राज्य निमंत्रक मारुती शिरतोडे,राज्य सरचिटणीस हिम्मतराव मलमे, शरद जाधव, महेश मदने व कार्यकर्त्यांच्या सह्या आहेत़.
