राज्याच्या राजकारणात उलथापालथ होऊन महाविकास आघाडी सरकारमधून बाहेर पडून भाजपासोबत हातमिळवणी करत तत्कालीन नगरविकास मंत्री एकनाथ शिंदे यांनी शिवसेनेच्या ४० आमदारांना सोबत घेत सत्ता स्थापन केली.आणि ते महाराष्ट्राचा मुख्यमंत्री पदी विराजमान झाले,तेव्हापासून त्यांनी पक्षसंघटनेसोबतच विकासकामांचा धडाका सुरू केला.ते तळागाळातील शिवसैनिकाला विशेष जबाबदारी देत पक्षाच्या माध्यमातून विवीध सामाजिक व लोकोपयोगी कामे करताना दिसत आहेत.
राजकीय नाट्यानंतर शिवसेना दोन गटात विभागली.यांतील एका गटाचे नेतृत्व बाळासाहेबांची शिवसेना नामकरण करत एकनाथ शिंदेंकडे आले.त्यानंतर संघटन वाढवण्यासाठी कंबर कसली असून मुख्यमंत्र्यांचा जिल्हा असलेल्या सातारा जिल्ह्यात जिल्हाप्रमुख चंद्रकांत जाधव यांच्या नेतृत्वाखाली कोरेगाव,फलटण,माण,खटाव या चाही तालुक्यातील पदाधिकाऱ्यांच्या निवडी दहिवडी शासकीय विश्रामगृहात पार पडल्या.दरम्यान समीर जाधव व नानासो इवरे यांनी बाळासाहेबांची शिवसेना वाढवण्यासाठी व जनतेच्या सेवेत तत्पर राहू,असे सांगितले.
यावेळी जिल्हाप्रमुख चंद्रकांत जाधव व उपजिल्हाप्रमुख अविनाश फडतरे यांच्या नेतृत्वाखाली माण मधून समीर जाधव,फलटण पुर्वमधून नानासो इवरे,फलटण पश्चिम हेमंत सुतार,कोरेगाव उत्तर मधून ज्ञानेश्वर सुतार,खटावमधून महेश गोडसे आदींची तालुकाप्रमुख पदी निवड करण्यात आली.
यानिवडीबद्दल मुख्यमंत्री एकनाथ शिंदे,उत्पादनशुल्क मंत्री शंभुराज देसाई,जिल्हाप्रमुख चंद्रकांत जाधव यांनी अभिनंदन केले.
