सैनिक फेडरेशनच्या माण तालुकाध्यक्षपदी जालिंदर खरात
वरकुटे – मलवडी / वार्ताहर
सैनिक फेडरेशनच्या माण तालुकाध्यक्षपदी वरकुटे-मलवडी येथील जालिंदर खरात यांची निवड करण्यात आली आहे. महाराष्ट्र सैनिक फेडरेशनचे अध्यक्ष माजी खासदार ब्रिगेडियर सुधीर सावंत यांनी सदर नियुक्तीचे पत्र दिले.
येथील देसाई हाईटस येथे १९७१ च्या भारत-पाक युद्धाच्या सुवर्ण दिनानिमित्त आजी माजी सैनिक, वीरमाता, वीरपत्नी यांचा सन्मान सोहळा आयोजित करण्यात आला होता. त्यावेळी नुतन पदाधिकारी निवडी करुन निवडीचे पत्र देण्यात आले.
यावेळी फेडरेशनच्या उद्योग विभागाचे अध्यक्ष समाधान निकम, जिल्हा संघटक विलास जगताप, वीर पत्नी अर्चना नाळे आदी मान्यवर उपस्थित होते. यावेळी तालुका उद्योग विभाग प्रमुखपदी जोतीराम बनगर, तालुका खजिनदारपदी कुंडलिक जगताप, सचिवपदी दुर्योधन लोखंडे यांची निवड करण्यात आली.
सर्व आजी माजी सैनिकांना शासकीय कार्यालयात सन्मानाची वागणूक मिळावी. सैनिकांच्या अडीअडचणी, समस्या सोडविता याव्यात यासाठी राजकारण विरहित सैनिकांची सैनिकांसाठी काम करणारी ही संघटना आहे. या माध्यमातून आम्ही सैनिकांसाठी सदैव कार्यरत राहू अशी प्रतिक्रिया नवीन अध्यक्ष जालिंदर खरात यांनी दिली.
जालिंदर खरात यांची तालुकाध्यक्ष पदी निवड झाल्याबद्दल सातारा जिल्हा मध्यवर्ती बँकेचे संचालक अनिलभाऊ देसाई , जि.प.सदस्या सुवर्णाताई देसाई , सरपंच बाळकृष्ण जगताप , राष्ट्रवादी युवक काँग्रेसचे सरचिटणीस अभय जगताप , माण तालुका युवक काँग्रेसचे अध्यक्ष विक्रम शिंगाडे , युवा नेते सुनिल थोरात , सरपंच अंकुश गाढवे आदींनी अभिनंदन केले.
फोटो
दहिवडी : माण तालुका सैनिक फेडरेशनच्या अध्यक्ष पदाच्या निवडीचे पत्र जालिंदर खरात यांनी देताना ब्रिगेडियर सुधीर सावंत, उपस्थित मान्यवर. (छाया :- बापूसाहेब मिसाळ , वरकुटे – मलवडी
