पुण्यात कळंबोली सावतामाळी मंडळाचे दिनदर्शिकाचे प्रकाशन बहुउद्देशीय सत्यशोधक केंद्रात संपन्न
पुणे- श्री सावतामाळी समाज विकास मंडळ ,कळंबोली, नवी मुंबई यांचे दरवर्षी प्रमाणे ज्ञानज्योति सावित्रीबाई फुले यांच्या 191 व्या जयंतीनिमित्त फुले शाहु आंबेडकर एज्युकेशनल अँड सोशल फौंडेशनच्या बहुउद्देशीय सत्यशोधक केंद्र,वडगांव बु.येथे दि.28.डिसेंबर 2021 रोजी सकाळी 10 वाजता संस्थेचे अध्यक्ष सत्यशोधक रघुनाथ ढोक यांचे शुभहस्ते दिनदर्शिका चे प्रकाशन झाले.
यावेळी सुरुवातीला सावतामाळी मंडळाचे कार्याध्यक्ष उदद्वा भुजबळ यांचे शुभहस्ते थोरसमाजसुधारक महात्मा फुले यांच्या पुतळ्यास व ज्ञानज्योति सावित्रीबाई फुले यांच्या पुतळ्यास सहसचिव उत्तम शिंदे यांचे शुभहस्ते पुष्पहार अर्पण करण्यात आले तर सत्यशोधक आकाश ढोक यांनी सत्याचा अखंड गायन केले.
यावेळी कार्याध्यक्ष भुजबळ म्हणाले की गेली दोन वर्षे कोव्हिडं मुळे विध्यार्थी व सामाजिक क्षेत्रातील भरीव योगदान देणारे गुणवतांचा सत्कार आणि स्नेहमेळावा घेता आले नाही .यामुळे अनेक लोकांचा स्नेह कमी झाला असे म्हंटले तरी वावगे ठरणार नाही,तो दुरावा दूर करण्यासाठी तसेच पुढील वेळेस असे संकट आले तर कसा सामना करावा आणि महापुरुषांचे प्रेरणा घेऊन काम कसे करावे यासाठी आम्ही नेहमीप्रमाणे सावित्रीबाई फुले जयंती दिनी सत्कार समारंभ व स्नेहमेळावा आयोजित करून दिनदर्शिकाचे वाटप करीत असतो.या निमित्ताने हजारो महिला बाहेर पडत असल्याने हळदी कुंकूवाचा कार्यक्रम करीत सावित्रीबाई फुले यांच्या कार्याची महती देत असतो असे देखील म्हंटले.
सत्यशोधक रघुनाथ ढोक म्हणाले की आपण सातारा माण मधुन येऊन कळंबोली येथे मंडळाचे माद्यमातून अनेक कार्यक्रम घेऊन महापुरुषांचे विचाराने कार्य करीत असतात त्याबद्दल अभिनंदन करीत या पुढे आपण सामुदायिक सत्यशोधक विवाह घडविण्यासाठी प्रयत्न करावे त्यामुळे आपोआपच अंधश्रद्धा कर्मकांड दूर होण्यासाठी मदत होईल असे देखील म्हंटले.यावेळी आभार सौ.आशा ढोक यांनी मानले
