‘कमळाबाई’ नटली जतच्या ‘हाता’मागे ईडी लावायला!
जतचे भ्रष्ट आमदार विक्रम सांवत यांची ईडी मार्फत चौकशी करा- माजी आमदार विलासराव जगताप यांची मागणी
माणगंगा न्यूज जत:-
जतचे भ्रष्ट आमदार विक्रम सांवत यांची ईडी मार्फत चौकशी करा, अशी मागणी जतचे माजी आमदार विलासराव जगताप यांनी केली आहे. जत भाजपच्या वतीने आज चक्काजाम आंदोलन करण्यात आला, तेव्हा जगताप बोलत होते.ते पुढे म्हणाले, संखचे अप्पर तहसिलदार हणमंत म्हेत्रे हे 2 लाख, 30 हजार रुपये लाचप्रकरणी अँन्टि करप्शनच्या जाळ्यात अडकले. तेव्हा म्हेत्रे यांचे मोबाईल रेकाँर्डीगमध्ये वरिष्ठांपासून आमदारापर्यंत आम्हाला पैसे द्यावे लागतात अशा संदेश कैद आहे. त्यामुळे आमदार विक्रम सांवत हे भ्रष्ट असुन त्यांची ईडी मार्फत चौकशी करावी, अशी मागणी माजी आमदार विलासराव जगताप यांनी केली आहे
.ओबीसी राजकीय आरक्षण रद्द केल्याच्या निषेधार्थ महाराष्ट्र सरकारचा निषेध व्यक्त करण्यासाठी जत तालुक्याचे माजी आमदार विलासराव जगताप यांच्या नेतृत्वाखाली जतमधील महाराणा प्रताप चौक येथे चक्काजाम आंदोलन करण्यात आले.
यावेळी ते बोलत होते.यावेळी भाजपाचे अध्यक्ष सुनिल भैय्या पवार, युवक अध्यक्ष सरपंच बसवराज पाटील, उमेश सांवत, प्रमोद सांवत, लक्ष्मण जखगोंड,प्रकाश माने, जगताप, माजी सभापती तमन्नगोडा रवि-पाटील, मकसुद नगारजी ,अण्णा भिसे, संतोष मोठे व सर्व पदाधिकारी उपस्थित होते.