ये मजबूत जोड टूटेगा नाही – माजी आमदार डॉ दिलीपराव येळगावकर
युवानेते सचिन गुदगे यांचा वाढदिवस मोठया उत्साहात संपन्न
मायणी :- सतीश डोंगरे
मायणी ग्रामपंचायतीत आमच्या विचारांची सत्ता आल्यानंतर जिल्ह्यात आदर्श ठरावे असे विकासकामांचा डोंगर उभा राहिला असून आदर्श सरपंच म्हणून त्यांनी मोठ्याप्रमाणावर गावाचा कारभार हाकला असून लवकरच आपल्या काळात झालेल्या कामाची लोकांना जी आश्वासन दिले होते ती सर्व कामे मार्गी लावली आहेत ,न भूतो ना भविष्यते असे टेंभू योजनेचे पाणी याभागासाठी उपलब्ध झाले असून या सर्व कामाचा लेखाजोखा जनतेसमोर मांडण्यासाठी मोठे व्यासपीठ लवकरच आपण आयोजित करणार आहोत. सचिन गुदगे व डॉ दिलीलराव येळगावकर यांचा असलेला मजबूत जोड कभी तुटेगा नाही.असा विश्वास माजी आमदार दिलीपराव येळगावकर यांनी युवानेते सचिन गुदगे यांच्या वाढदिवसाच्या निम्मिताने ग्रामपंचायत मायणी याठिकाणी आयोजित कार्यक्रमात व्यक्त केला.
मायणी गावचे प्रथम लोकनियुक्त सरपंच युवानेते सचिनभाऊ गुदगे यांचा वाढदिवस ४५ वा वाढदिवस मायणी ग्रामपंचायत याठिकाणी मोठ्या उत्साहात संपन्न झाला.यावेळी माजी आमदार डॉ दिलीपराव येळगावकर बोलत होते.यावेळी उपसरपंच जगन्नाथ भिसे, सुदाम भिसे,माजी उपसरपंच अँड.सुरज पाटील,आनंदा शेवाळे,अंकुश भिसे,अतुल ठोंबरे,ग्रामपंचायत सदस्य,विजयकुमार कवडे,पांडुरंग झगडे,सोसायटी चेअरमन मोहन दगडे,अंकुश निकाळजे,कुमार देशमुख,रघुनाथ माने,माजी शिक्षणाधिकारी राजकुमार चव्हाण ,शिवसेनेचे पदाधिकारी विशाल चव्हाण,शहराध्यक्ष फिरोज मुलाणी,रामचंद्र घुसाले,राज बहुद्देशीय संस्थेचे अध्यक्ष राजाराम कचरे,उपाध्यक्ष सतीश डोंगरे,नितीन पडळकर,जनार्धन देशमुख,मारुती पवार,महादेव पडळकर,जेष्ठ पत्रकार दिलीप पुस्तके,ग्रामविकास अधिकारी गाढवे,सुरज भिसे,सुरज जाधव,अरुण सुगदरे यांची प्रमुख उपस्थिती होती.
सदर वेळी विजय कवडे,रामराम कचरे,दिलीप पुस्तके,मोहन दगडे यांनी आपले मनोगत व्यक्त केले.
आपल्या वाढदिवसाच्या निम्मिताने मान्यवरांनी ,ग्रामपंचायतीने व प्रमुख कार्यकर्त्यांनी सदर कार्यक्रम आयोजित केला त्याबद्दल मी सर्वांचा आभारी आहे. आपल्या सरपंच कारकिर्दीत मायणीकराना दिलेली आश्वासने पूर्ण केली असून टेंभू सारखा महत्वपूर्ण प्रकल्प पूर्णत्वास गेल्याने या भागातील पिण्याच्या पाण्याचा प्रश्न मार्गी लागला आहे.लवकरच मायणीकरांसाठी महत्वांकांक्षी २४×७ पेयजल योजना मार्गी लागणार आहे. गावातील अनेक प्रश्न ,समस्या आपण मार्गी लावत आहे. आपल्या सर्वांचे माझ्यावरील प्रेम व पाठबळावर आजवर आपण वाटचाल केली असून यापुढेही जनतेच्या सेवेसाठी मी सदैव तत्पर असणार असल्याचे मत युवानेते सचिनभाऊ गुदगे यांनी सर्वांचे आभार व्यक्त करीत असताना मांडले.
