पुरंदरमध्ये जिओ मोबाईल कंपनीचा भोंगळ कारभार
नेटवर्क गायब अन काॅल डिसकनेक्टचे प्रमाण वाढले
पुणे ( दत्ताञय फडतरे )
पुरंदर तालुक्यातील बहुतांश गावामध्ये जिओ कंपनीला नेटवर्क नसल्यामुळे नागरिकांची मोठी गैरसोय होत आहे. इंटरनेट स्पीड अतिशय कमी आहे ,बोलता बोलता फोन कट होत आहेत ,एकाएकी आवाज येत नसल्यामुळे ग्राहकांमधुन संताप व्यक्त आहे.
बोपगाव , चांबळी , कोडीत , भिवरी ,गराडे , जेजुरी परिसरातील गावांमध्ये बरोबरच बेलसर , रानमळा भागात तसेच तालुक्यातील अनेक भागात जिओ कंपनीचे नेटवर्क व्यवस्थित नसल्यामुळे नागरिकांमधुन नाराजी व्यक्त आहे. पाठीमागच्या दहा दिवसापासुन जिओ कंपनीच्या ग्राहकांचे फोन अचानक डिसकनेक्ट होतायेत ,फोनवर बोलणार्‍या व्यक्तीचा आवाज ही येत नाही. इंटरनेट स्पीड तर नावालाच आहे. कंपनीच्या अधिकृत हेल्पलाईन नंबरवरुन उडवाउडवीची उत्तर दिली जात आहेत यामुळे जिओ कंपनीचा भोंगळ कारभार आता चव्हाट्यावर आला आहे.
तालुक्यातील आपले सरकार केंद्र , अनेक ग्रामपंचायतीतील आॅनलाईन कामं पुर्ण करण्यास अडथळे येत आहेत. शाळा ,महाविद्यालयातील , विद्यार्थी, शिक्षक वर्ग यांचीही महत्वाची काम रखडलेली आहेत.पुणे विभागीय जिओ मोबाइल कंपनी आधिकार्‍यांनी त्वरित दखल घेवुन समस्येचे कायमस्वरुपी निवारण करण्याची मागणी नागरिकांमधुन होत आहे.
