फुले एज्युकेशन तर्फे राहुरी फाटा परिसरात प्रथमच होणार जाधव मोरे यांचा सत्यशोधक विवाह
पुणे/नाशिक-फुले शाहु आंबेडकर एज्युकेशनल अँड सोशल फौंडेशन च्या बहुउद्देशीय सत्यशोधक केंद्रातर्फे राहुरी फाटा ,नाशिक परिसरात पहिला सत्यशोधक विवाह सत्यशोधक नितीन सोपान जाधव ,विचुर दळवी,नाशिक आणि सत्यशोधिका निकिता अशोक मोरे ,रहाणार नाशिक यांचा महात्मा फुले यांना अभिप्रेत असलेल्या पददतीने रजिस्टर नोंदणी करून सत्यशोधक विवाह सोमवार दि.19 जुलै 2021 रोजी दु.12.30वाजता विश्वविजया लॉन्स ,राहुरी फाटा, नाशिक येथे सम्पन्न होणार आहे. यावेळी वधु वर यांना रघुनाथ ढोक यांचे शुभहस्ते सत्यशोधक विवाह प्रमाणपत्र दिले जाणार आहे.तर राष्ट्रीय ओबीसी महासंघातर्फे आई वडिलांना याप्रसंगी सन्मानपत्र दिले जाणार आहे
.
सोपान जाधव यांनी मागील वर्षी 19 जुलै 2020 रोजी देखील प्रथमच मुसळगाव ,सिन्नर परिसरात पहिला सत्यशोधक विवाह संग्राम जाधव आणि माया माळी यांचा फुले एज्युकेशन तर्फेच लावला होता. त्यामुळे सोपान जाधव हे खरे कृतिशील सत्यशोधक विचाराचे सामाजिक कार्यकर्ते ठरलेले आहेत म्हणून विधिकर्ते व संस्थेचे अध्यक्ष सत्यशोधक रघुनाथ ढोक यांनी जाधव कुटूंबाचे यापूर्वीच अभिनंदन केलेले आहे तसेच त्यांनी संस्थेतर्फे होणारा हा 28 वा मोफत सत्यशोधक विवाह होत असल्याचे देखील सांगितले.पुढे ढोक यांनी अजून माहिती देताना म्हंटले की हा सत्यशोधक विवाह अंधश्रद्धा, कर्मकांड, मुहूर्त व पंचांग याला फाटा देत मागील वर्षी व या वर्षी मुद्दाम 19 जुलै लाच जाधव कुटुंबाने दुसऱ्या मुलाचाही सत्यशोधक विवाह लावत असल्याने परिसरात एक आदर्श कुटुंब म्हणून त्यांचे कडे समाज पहाणार आहे.
हा सत्यशोधक विवाह पाहून नक्कीच इतराना भटजी विरहित सत्यशोधक विवाह हीच आदर्श पद्दत आहे हे देखील या निमित्ताने समजणार आहे. याकामी ढोक यांना मोलाची मदत जाधव यांचे संग्राम मुलाचे सासरे व कृतिशील सत्यशोधक कार्यकर्ते गोविंद माळी व दीपक मंडलिक हे करणार आहेत तर राष्ट्रीय ओबीसी महासंघाचे विश्वस्थ प्रा.सुदाम धाडगे हे महात्मा फुले रचित मंगळाष्टके या विवाह प्रसंगी गाणार आहेत आणि अक्षता म्हणून अन्नाची नासाडी होते म्हणून तांदुळा ऐवजी सुगंधी फुलांचा वापर यावेळी केला जाणार आहे.
