सद्गुरु सरुताई एक दिवसीय दिंडीचे मायणी येथून पंढरपूर कडे प्रस्थान
मायणी : दि .४ प्रतिनिधी सतीश डोंगरे व तानाजी चव्हाण मायणी
मायणी येथील संत सद्गुरु मातोश्री सरुताई माऊली यांच्या एक दिवसीय दिंडीचे प्रस्थान आज मोठ्या भक्ती भावात झाले.या दिवशी सकाळी ६ वाजता माऊलींचा अभिषेक व सकाळी ७ वाजता आरती करण्यात आली.सकाळी ८:३२ ला मा. आ.डॉ.दिलीपराव येळगावकर यांच्या शुभहस्ते पालखी अभिषेक व पूजन करण्यात आले.त्यानंतर यांनी स्वतः पालखी खांद्यावर घेऊन काही अंतर पार केले.त्यानंतर पंढरपूरकडे जाणाऱ्या दिंडीच्या वाहनांचे अंकुश रजपूत यांच्या हस्ते श्रीफळ वाढवून पूजन करण्यात आले. यावेळी ट्रस्टचे अध्यक्ष डॉ.दिलीपराव येळगावकर,सचिव रविंद्र बाबर, किर्तनकार पांडुरंग लोहार सर तसेच देवस्थान ट्रस्टचे पदाधिकारी मायणी ग्रामपंचायत चे आजी माजी सदस्य भाविक महिला व पुरुष मोठ्या संख्येने उपस्थित होते.
चौकट : – टाळ मृदुंगाच्या गजरात,दिंड्या पताका हाती धरून मोठ्या उत्साहात सदगुरु मातोश्री सरुताई माऊलींच्या एक दिवसीय पालखीचे पंढरपूरला प्रस्थान .व सायंकाळी सात वाजता मायणी मठात आगमन या वेळी या.आमदार डॉ.दिलीपराव येळगावकर , व मायणी गावचे प्रथम नागरिक स.सचिनभाऊ गुदगे यांनी पालखी सोहळ्याचे स्वागत केले व सायंकाळच्या आरती ने पालखी सोहळ्याचे सांगता केली
