खटाव (वडूज) तहसील कार्यालयावर स्वाभिमानी शेतकरी संघटनेचा कृषी पंपाच्या वीज प्रश्न सोडवण्यासाठी एल्गार
अहिरे :शेतकऱ्यांची आणि घोरात आलेली पिके महावितरणच्या गलतान कारभारामुळे जळून जाण्याच्या मार्गावर आहेत याचा निषेध म्हणून स्वाभिमानी शेतकरी संघटना खटाव तालुका यांनी तहसील कार्यालय वडूज तालुका खटाव या ठिकाणी स्वाभिमानी शेतकरी संघटनेच्या झेंड्याखाली महाराष्ट्र राज्य विद्युत वितरण कंपनीच्या विरोधात एल्गार मोर्चा व धरणे आंदोलन केले.
सध्या शेतीपंपाचा विद्युत पुरवठा महावितरण कडून कमी दाबाने केला जात असल्यामुळे वेळोवेळी फिटर फेल होऊन शेतकऱ्यांना आठ तास लाईट पूर्ण दाबाने देणे गरजेचे असून सुद्धा महावितरणचे ठेकठकांचे डीपी नादुरुस्त होऊन शेतकऱ्याची आणि घरात आलेली पिके जळून जाण्याच्या मार्गावर आहेत याचा निषेध म्हणून व नादुरुस्त ट्रांसफार्मर दुरुस्त करावेत व शेतकऱ्यांना आठ तास पूर्ण दाबाने वीज द्यावी या मागणीसाठी स्वाभिमानी शेतकरी संघटना खटाव तालुका यांनी तहसीलदार कार्यालयात समोर धरणे आंदोलन केले यावेळी स्वाभिमानी शेतकरी संघटनेचे राज्य प्रवक्ते अनिल पवार, सातारा जिल्हा अध्यक्ष श्री तानाजी देशमुख खटाव तालुका अध्यक्ष दत्तू काका घाडगे युवा नेते सूर्यभान जाधव संतोष बागल वैभव पाटील राजू फडतरे, माण तालुका प्रसिद्धीप्रमुख फायर ब्रँड नेते केशव शिवाजीराव जाधव व स्वाभिमानी शेतकरी संघटनेचे कार्यकर्ते आणि खटाव तालुक्यातील महावितरणच्या मनमानी कारभाराने त्रस्त झालेले शेतकरी मोठ्या संख्येने उपस्थित होते, स्वाभिमानी शेतकरी संघटनेच्या आंदोलनामुळे खटावचे तहसीलदार व महावितरण चे अधिकारी यांनी शेतकरी संघटनेचे कार्यकर्ते व उपस्थित शेतकऱ्यांशी चर्चा करून वीज प्रश्नाचा 24 तासाच्या आत सोक्षमोक्ष लावू व ज्या ठिकाणी मागणी व पुरवठा यामध्ये तफावत आहे
अशा ठिकाणी पायाभूत सुविधांमध्ये बदल करून पूर्ण दाबाने शेतकऱ्यांना विद्युत पुरवठा करू असे आश्वासन तहसीलदारांनी दिल्यानंतर स्वाभिमानी शेतकरी संघटनेने धरणे आंदोलन तात्पुरते मागे घेतले 24 तासांमध्ये शेतकऱ्यांच्या प्रश्नांची सोडवणूक न झाल्यास स्वाभिमानी शेतकरी संघटनेच्या स्टाईलने आंदोलन करू असे जिल्हाध्यक्ष व राज्य प्रवक्ते यांनी महावितरणचे अधिकारी व तहसीलदार यांना ठणकावून सांगितले
