पत्रकाराने निर्भिडपणे काम करावे – पांडुरंग तारळेकर
सत्याचा पाठपुरावा करण्यासाठी पत्रकाराने निर्भिडपणे काम करावे, असे आवाहन मायणी परिसर पत्रकार संघाचे मार्गदर्शक ज्येष्ठ पत्रकार पांडुरंग तारळेकर यांनी मायणी येथील स्फूर्ती शिक्षण संस्थेत पत्रकार दिनानिमित्त आयोजित केलेल्या कार्यक्रमात बोलताना केले.याप्रसंगी संस्थेचे कार्याध्यक्ष राजाराम कचरे,पत्रकार संघाचे अध्यक्ष दिपक नामदे,उपाध्यक्ष इम्रान जमादार,डॉ.सुशांत देशमुख,मंगेश भिसे,अमोल भिसे,अॅड.एकनाथ जाधव,सतीश डोंगरे बापूराव यलमर पाटील, अरुण माने, आदि मान्यवर उपस्थित होते.याप्रसंगी स्फूर्ती शिक्षण संस्थेतर्फे पत्रकारांचा सत्कार करण्यात आला. तारळेकर म्हणाले,गेल्या ३५ वर्षात आपण अत्यंत अडचणीच्या काळात पत्रकारिता केली.
मायणी परिसरातील समस्या वृत्तपत्राच्या माध्यमातून मांडल्या.अनेक गोरगरिबांना न्याय मिळवून देण्याचा प्रयत्न केला. यावेळी त्यांनी संस्थेचे संस्थापक अध्यक्ष डॉ. दिलीपराव येळगावकर यांच्या शैक्षणिक कार्याचे कौतुक केले. याप्रसंगी अनंत इंग्लिश स्कूल चे मुख्याध्यापक सुनिल यलमर,भगतसिंग विद्यामंदिर चे दिपक खलीपे तसेच पत्रकार अॅड,एकनाथ जाधव,दिपक नामदे,डॉ.सुशांत देशमुख यांनीही मनोगत व्यक्त केले. यावेळी पत्रकारांना सहकार्य करण्याचे अभिवचन संस्थेतर्फे देण्यात आले .
