जय भवानी विद्यालयात प्रजासत्ताक दिन उत्साहात साजरा
पिंगळी बु येथील कै. आबासाहेब पोळ शिक्षण प्रसारक सेवा मंडळ मार्डी द्वारा संचलित जय भवानी विद्यालय या विद्यालयात भारताचा प्रजासत्ताक दिन गुरूवार२६ जानेवारी२०२३ रोजी उत्साहात साजरा करण्यात आला. यंदाचा आपला ७४ व्या प्रजासत्ताक दिनाचे औचित्य साधून संस्था मार्गदर्शक डॉ.संदीप पोळ(दादा) यांच्या मार्गदर्शनाखाली विद्यालयाचे मुख्याध्यापक श्री बनसोडे सर यांच्या सूचनेनुसार सांस्कृतिक विभागाचे प्रमुख विद्यालयाच्या उपक्रमशील शिक्षीका सौ.निकम मॅडम यांनी कला व सांस्कृतिक मोहत्सवाचे आयोजन केले होते. .
या कार्यक्रमाचे खास आकर्षण म्हणजे शोभा यात्रा . यामध्ये झाशीची राणी लक्ष्मीबाई, राजमाता जिजाऊ, सावित्री बाई फुले यांच्या ऐतिहासिक वेशभूषेत शालेय विद्यार्थीनी आल्या होत्या या शिवाय डाॅक्टर, वकील, सैनिक ,पत्रकार मित्र, सफाई कर्मचारी,शेतकरी, खेळाडू इ. महत्वपूर्ण आशा वेशभूषेत शालेय विद्यार्थ्यांना तयार करण्यात आले होते . सदर कार्यक्रमास गावातील नागरिक बहुसंख्येने उपस्थित होते. विद्यालयाचे मुख्याध्यापक श्री बनसोडे सर यांच्या हस्ते ध्वजारोहण करण्यात आले होते.विद्यालयातून ढोल ताशाच्या गजराने संपुर्ण पंचक्रोशी दुमदुमली. तसेच झांज व लेझीम पथकांसह गावातून प्रभातफेरी काढण्यात आली. होती.
ग्रामपंचायत कार्यालय समोर ध्वजारोहण करून स्टेजवर विविध देशभक्तीपर गीतावर सामूहिक नृत्य, वैयक्तिक नृत्य,लावणी,भाषणे, इ कार्यक्रमाने सर्वत्र उत्साही वातावरण निर्माण झाले , यामध्ये कु.श्रावणी रमेश सत्रे (इ. सातवी) हिने केलेले ‘ ‘होय मी सावित्रीबाई फुले बोलतेय…! हे खास आकर्षण ठरले .तसेच मी तिरंगा बोलतोय….!(मनोगत) मानवी मनोरे, लेझीम इ.चे उत्कृष्ट सादरीकरण करण्यात आले होते, कोकरे साहेब , श्रीकांत जगदाळे,(उपसरपंच) जीवन कांबळे,(सरपंच ) ग्रामसेवक श्री .काझी., रविंद्र जगदाळे व इतर ग्रामस्थ मंडळींनी बहुसंख्येने उपस्थित राहून बालकलाकारांचे मुक्त कंठाने प्रशंसा केली. विद्यार्थ्यांना खाऊचे वाटप करून कार्यक्रमाची सांगता करण्यात आली.
