क्रांतीवीर शैक्षणीक संकुल शैक्षणीक क्षेत्रात क्रांती घडवेल: काँग्रेस प्रदेशाध्यक्ष नानासाहेब पटोले
विशाल माने
देवा पूर
माण तालुका दुष्काळी असला तरी येथील लोकांमध्ये दुर्दम्य इच्छाशक्ती असल्याने संकटावर मात करून या भागात अनेक अधिकारी निर्माण झाले आहेत. क्रांतीवीर शिक्षण संकुल भविष्यात राष्ट्रीय शैक्षणिक चळवळ उभा करून आदर्श नवीन भारत घडवून शैक्षणिक क्रांती निर्माण करेल, हे संकुल प्रशासकीय अधिकारी बनविण्याची फैक्टरी बनेल. ग्रामीण भागांतील हि शैक्षणिक संस्था एक आदर्श शैक्षणीक संस्था म्हणून नावारूपास येत असल्याचा मला सार्थ अभिमान वाटतो असा विश्वास महाराष्ट्र प्रदेश काँग्रेस चे अध्यक्ष आ.नानाभाऊ पटोले यांनी म्हसवड येथे व्यक्त केला.
म्हसवड येथे आयोजित क्रांतीवीर नागनाथ आण्णा नायकवडी इंग्लिश मिडिया स्कूल नुतन शैक्षणिक संकुल इमारतीच्या कोनशिला समारंभ प्रसंगी बोलत होते.
पृथ्वीराज चव्हाण म्हणाले, आम्ही सत्तेत असताना माण खटाव तालुक्यात मोठ्या प्रमाणात जलसंधारण कामे केली यामुळे या तालुक्यात साखर कारखाने उभे राहिले आहेत, या तालुक्यात पाणी, व औद्योगिक विकास झाला तर या भागातील लोकांचा आर्थिक स्तर उंचावणार आहे. आपल्या देशातील लोकांनी शैक्षणिक क्षेत्रामध्ये अधिक लक्ष देण्याची गरज आहे. येथील लोकांनी आपल्या मुलांना शिक्षण देणं गरजेचं आहे. हे शैक्षणिक संकुल शिक्षण क्षेत्रात दिप स्तंभ ठरेल. गुणवत्तेत तडजोड न करता येथील शिक्षकांनी शिक्षण देऊन सर्वांगीण विकासासाठी प्रयत्न करावे . असे ते म्हणाले.
उपस्थितांसमोर बोलताना संस्थापक प्रा. विश्वंभर बाबर म्हणाले की म्हसवड च्या माळ रानावर २०वर्षापूर्वी लावलेल्या शैक्षणीक रोपट्याचे रूपांतर वटवृक्षात होत आहे. या संकुलातील विद्यार्थी विद्यार्थिनींशिक्षणाबरोबरच क्रीडा व स्पर्धा परीक्षेतही चमकत आहेत. मी एक शिक्षक असून फार तर माझ्या मुलासहित ४ते५ विद्यार्थी शिकवू शकलो असतो.मात्र या संकुलातून हजारो विद्यार्थी शिकवून त्यांना स्वतःच्या पायावर उभे करण्यासाठी प्रयत्न करत असल्याचा सार्थ अभिमान वाटतो.
यावेळेस महाराष्ट्र माजी मुख्यमंत्री पृथ्वीराज चव्हाण, काॅग्रेस प्रदेश चे सचिव रणजितसिंह देशमुख, रयत शिक्षण संस्थेचे माजी सचिव आर डी गायकवाड, महाराष्ट्र प्रदेश सचिव देवानंद पवार, महाराष्ट्र प्रदेश ओबीसी विभाग अध्यक्ष भानुदास माळी,श्रीरंग चव्हाण,धवलसिंह मोहिते पाटील, जिल्हा मध्यवर्ती बँकेचे उपाध्यक्ष अनिल देसाई, माजी नगरध्यक्ष विलास माने, नितीन दोशी, बाबासाहेब माने,नकुसा जाधव विष्णू पंत अवघडे दत्तोपंत भागवत, किशोर सोनवणे, विकास गोंजारी, शहाजी बाबर, किरण बाबर, उपस्थित होते.
कार्यक्रमाचे प्रास्ताविक प्रा.विश्वंभर बाबर यांनी केले.
यावेळी अनील देसाई, रणजितसिंह देशमुख, विठ्ठल काटकर समृध्दी जाधव यांनी मनोगत व्यक्त केले.
हा कार्यक्रम यशस्वी करण्यासाठी सुलोचना बाबर आणि इंद्रजित बाबर शिक्षक व शिक्षकेतर कर्मचारी यांनी विशेष परिश्रम घेतले.
सुत्रसंचा लन विठ्ठल काटकर यांनी केले. राहुल फुटाणे यांनी आभार मानले.”
