सीएनजी गॅस इंधनावर वाहने चालविणे काळाची गरज
- तहसिलदार विकास अहिर
म्हसवड,
वाहनातील डिझेल व पेट्रोल इंधनामुळे हवेतील प्रदुर्षण वाढत चालले आहे.प्रदुर्षण समस्येसाठी भविष्यात सीएनजी गॅस इंधनावर वाहने चालविणे काळाची गरज आहे,परंतु;सातारा ते पंढरपुरच्या दरम्यानच्या रस्त्यावर एकही सीएनजी गॅस पंप नसल्यामुळे वाहन धारकांची होणारी गैरसोय दूर करण्यासाठी येथील सुर्यवंशी कुटुंबाने म्हसवड येथे यश सीएनजी गॅस पंपाची सुविधा उपलब्ध करुन दिली. असे प्रतिपादन माणचे तहसिलदार विकास अहिर यांनी केले.
सातारा- लातूर महामार्गावर म्हसवड येथे यश सीएनजी गॅस पंपाचे उदघाटन श्री विकास अहिर यांचे हस्ते फित कापून करण्यात आले या प्रसंगी आयोजित केलेल्या कार्यक्रमात ते बोलत होते.
यावेळी माण पंचायत समितीचे माजी सभापती श्रीराम पाटील,सेवानिवृत पोलिस अधिकारी अंकुश इंगळे,सांगली येथील सीएनजी कंपनीचे विक्री व्यवस्थापक निलेश नागवडे
जिल्हा परिषदेचे माजी अध्यक्ष सुभाष नरळे, राष्ट्रवादीचे जिल्हा उपाध्यक्ष किशोर सोनवणे, डॉ.संदिप पोळ,भाजपा युवा नेते शुभम पोरे, माजी नगरसेवक राजाराम केशव कारंडे,बबन अबदागिरे, वरकुटे- म्हसवड ग्रामपंचायतीचे सरपंच मारुती मोटे,उपसरपंच नारायण जाधव,डॉ प्रमोद गावडे,डॉ.राजेश शहा, अरंजय शहा,महेश सोनवले, डॉ.राजेंद्र मोडासे,कैलास भोरे,अनिल पोळ,संतोष शहा,यश पेट्रोल पंप च्या संचालिका सौ.स्नेहल सुर्यवंशी,आक्कासाहेब सुर्यवंशी,राजकुमार सुर्यवंशी, युवराज सुर्यवंशी,मंजुश्री सुर्यवंशी,आक्कासाहेब सुुुर्यवंशी,यश सुर्यवंशी व दुर्गेश शिंदे इत्यादी उपस्थित होते.
श्री.विकास अहिर पुढे म्हणाले की,सातारा-म्हसवड- लातूर या म्हसवड ते पंढरपुर दरम्यानच्या रस्त्यावर सीएनजी गॅस पंपाची सुविधा उपलब्धच नव्हती यामुळे मोठ्या संख्येने या रस्त्यावरुन नियमित ये-जा करणा-या वाहनांची गैरसोय होत होती.माण तालुक्यासह म्हसवड येथेही सीएनजी गॅस इंधनावर चालणा-या वाहनांची संख्या मोठी आहे यामुळे येथे गॅस पंपाची गरज ओळखून व वाहन धारकांची गैरसोय पाहून येथील सुर्यवंशी कुटुंबाने सीएनजी गॅस पंप सुरु करण्याचा योग्य असा निर्णय घेतल्यामुळे वाहनचालकांची स्थानिक पातळीवर सुविधा उपलब्ध होऊ शकली.
युवराज सुर्यवंशी म्हणाले की,सीएनजी गॅस किमतीने वाहन चालकांना परवडणारे आहे भविष्यात पेट्रोल व डिझेल पेक्षा सुरक्षीत व परवडणारे इंधन म्हणून सीएनजीकडे पाहिले जाईल म्हणून गेले दोन वर्षापासून याचा पाठपुरावा केला. सहा महिन्यापूर्वीच गॅस पंप उभारणीचे काम पुर्ण झाले होते परंतु कंपनीच्या काही अडचणी पंप सुरू करता आला नाही.कंपनीने त्यांच्या अडचणी दूर करुन पंप सुरू करुन दिला.
यावेळी निलेश नागवडे यांनी सीएनजी गॅस बाबतची माहिती दिली.
