मंत्री राधाकृष्ण विखे पाटील रविवारी म्हसवड दौऱ्यावर.
म्हसवडला भुमीपुजन;आ.जयकुमार गोरे यांच्या प्रयत्नांना यश.
म्हसवड शहराचा कायमस्वरूपी पिण्याच्या पाण्याचा प्रश्न मार्गी लावणारी एकूण 80 कोटी रु.ची म्हसवड नळ पाणीपुरवठा योजना व शहरातील अंतर्गत रस्ते,गटार तसेच अहिल्याबाई होळकर शॉपिंग कॉम्प्लेक्स,महात्मा ज्योतिबा फुले चौक सुशोभीकरण भूमिपूजन सोहळा समारंभ रविवार दि.01 रोजी सायंकाळी पाच वाजता ना.महसूल व पशुसंवर्धन मंत्री राधाकृष्ण विखे पाटील,माढा लोकसभा मतदारसंघाचे खा.रणजितसिंह नाईक निंबाळकर,आ.जयकुमार गोरे,दौंड विधानसभेचे आ.राहुल कुल व इतर मान्यवरांच्या उपस्थितीत पार पडणार आहे.
तरी या ऐतिहासिक क्षणाचे साक्षीदार होण्यासाठी दि. 01/10/2023 रोजी बाजार पटांगण म्हसवड येथे माता भगिनी,तरुण,अबाल वृद्ध व कार्यकर्ते सर्व म्हसवडकर व परिसरातील नागरिकांनी मोठ्या संख्येने उपस्थित रहावे असे आवाहन माजी नगराध्यक्ष विजय धट यांनी केले आहे.
तसेच आमदार जयकुमार गोरेंच्या माध्यमातून शहरातील विवीध विकास कामांची माहिती यावेळी श्री.धट यांनी सांगितली.
म्हसवड नगरपरिषद हद्दीत उद्यम नगर क्रमांक एक अंतर्गत रस्ते व गटार बांधकाम करणे तसेच सातारा पंढरपूर रोड अप्रोच ते मरीआई मंदिर रस्ता डांबरीकरण करणे, बनगरवाडी बेघर वसाहत अंतर्गत रस्ते कॉंक्रिटीकरण करणे,मल्हार नगर अंतर्गत रस्ते काँक्रिटीकरण करणे, सातारा पंढरपूर अप्रोच ते मेरी माता हायस्कूल रस्ता डांबरीकरण करणे, म्हसवड नगर परिषद हद्दीतील वीरकरवाडी देवापुर अप्रोच राखुंडे वस्ती रस्ता डांबरीकरण करणे, अहिल्याबाई होळकर शॉपिंग कॉम्प्लेक्स उभे करणे, दहिवडे मळा ते नागोबा मंदिर रस्ता डांबरीकरण करणे,राऊतवाडी रस्ता डांबरी करण करणे, लांब मळा रस्ता डांबरीकरण करणे, दहिवडे मळा ते नागोबा रस्ता भाग क्रमांक दोन डांबरीकरण करणे, बनगरवाडी रस्ता डांबरीकरण सातारा पंढरपूर अप्रोच वीरकर मळवी रस्ता डांबरीकरण करणे, पंतवस्ती अंतर्गत रस्ता कॉंक्रिटीकरण करणे, अशी सात कोटी 75 लाख 58 हजार 681 रुपयांच्या कामाची भूमिपूजन व इतर 13 कोटी रुपयांचे भूमिपूजन होणार असल्याचे विजय धट यांनी सांगितले.
