जन्मभुमीत परतलेल्या मरगळवाडी सेवानिवृत्त सैनिकाची अनोख्या पद्धतीने मिरवणूक
माण तालुक्यातील मरगळवाडी येथील कर्तव्य बजावल्यानंतर सैन्य दलातील सेवानिवृत्त झालेल्या विजय नरबट व बापू कारंडे या सैनिकांची अनोख्या पद्धतीने बैलगाडीतून मिरवणूक काढण्यात आली. या सैनिकांनी १७ वर्ष भारतीय सैन्य दलात काम केले आहे.
या मिरवणुकीमध्ये पारंपारिक असणाऱ्या मेंढ्या व मेंढपाळ सुद्धा या मिरवणुकीत सहभागी झाले होते. यावेळी मरगळवाडी गावातील पारंपारिक अनेक वर्षांपासून सुरू असलेले धनगरी गजी नृत्य सादर करण्यात आले होते.यावेळी गावातील महिलांनी भारतीय सैनिकांचे औक्षण केले. गावकऱ्यांनी सैनिकाच्या स्वागतासाठी रांगोळी काढली होती.
या कार्यक्रमाच्या वेळी भारत माता की जय,’चा गजर करत जनतेमधून देशाभिमान जागृत केला.
यावेळी डॉक्टर प्रमोद गावडे,संचालक बाळासाहेब काळे, संचालक ब्रह्मदेव पोकळे, संचालक रामचंद्र झिमल, युवा उद्योजक आकाश माने उपस्थित होते.
यावेळी डॉक्टर प्रमोद गावडे बोलताना म्हणाले की विजय नरबट व बापू कारंडे यांनी प्रतिकूल परिस्थितीशी सामना करत शिक्षण घेऊन भारतीय सैन्यामध्ये भरती होऊन देशसेवेचे काम केले आहे. ग्रामीण भागातील विद्यार्थ्यांनी शिक्षण घेणे गरजेचे आहे. मरगळवाडी गावामध्ये विद्यार्थ्यांसाठी ग्रंथालय तयार करण्यात येणार आहे यामध्ये विविध प्रकारचे पुस्तके उपलब्ध करून देणार आहे. विद्यार्थ्यांनी आरोग्याची काळजी घेत सैनिकात भरती होणे महत्त्वाचे आहे.
देशसेवा करताना निवृत्त झालेल्या सैनिकांची छाती ग्रामस्थांच्या सन्मानाने फुलून आली. या वेळी भावना मोकळ्या करताना आनंदाश्रूही आले.यावेळी गाव व परिसरातील बहूसंख्य नागरीक, महिला, विद्यार्थी, माजी सैनिक, अधिकारी, पदाधिकारी, आजी सैनिक असा प्रचंड जनसमुदाय उपस्थित होते.या कार्यक्रमाचे आयोजन मरगळवाडीतील ग्रामस्थांनी केले होते.कार्यक्रमाचे सुत्रचलंन नाना मरगळे यांनी केले तर आभार पत्रकार केराप्पा काळेल मानले.
