नरवणे येथील ‘ एक गाव एक गणपती’ यंदा साध्या पद्धतीने.
पर्यावरण पूरक उपक्रमांचा समावेश.
नरवणे( प्रतिनिधी )अशोक हांडे
नरवणे तालुका माण येथे सार्वजनिक गणेश महोत्सव साजरा होत आहे. या गणेशोत्सवाचं हे 166 व वर्ष असून यावर्षी कोरणा चं सावट अजून संपलेलं नसल्यामुळे जिल्हाधिकारी यांच्या नियमावलीनुसार अत्यंत साध्या परंतु पर्यावरण पूरक उपक्रमानेहा महोत्सव साजरा होताना दिसतोय.
नरवणे गाव हे माण तालुक्याच्या पूर्वेला ‘एक गाव एक गणपती’ अखंड परंपरेमुळे ओळखले जाते.
परंतु सध्या कोरोणाचे सावट असल्यामुळे याहीवर्षी हा गणेश महोत्सव साध्या परंतु पर्यावरणपूरक उपक्रमांनी साजरा करायचा असा विचार करून यात्रा कमिटीने यावर्षी विविध पर्यावरण पूरक उपक्रम राबवले आहेत.यामध्ये समृद्ध गाव स्पर्धा, वृक्षारोपण कार्यक्रम, लसीकरण मोहीम, सर्वरोग निदान शिबिर, बाल योगा मार्गदर्शन, व्यसनमुक्ती तसेच रक्तदान शिबिर असे विविध समाजोपयोगी उपक्रम राबवले जात आहेत. हे सर्व कार्यक्रम सोशल डिस्टन्स पाळून केले जात असल्यामुळे आणि पर्यावरणासाठी झाडे लावून एक वेगळाच आदर्श या निमित्ताने ठेवला जातोय. परिसरातून या आणि अशा उपक्रमांचे कौतुक केले जात आहे.
कोणत्याही परिस्थितीमध्ये गर्दी होणार नाही आणि गर्दी सदृश्य परिस्थिती निर्माण होणार नाही अशा पद्धतीची काटेकोर उपाययोजना यात्रा कमिटी करताना दिसते.
गावातील तसेच पंचक्रोशीतील गणेश भक्त हे गणपतीला येऊन कोरोना चं हे संकट लवकरात लवकर दूर होओ अशी मनोकामना व्यक्त करताना दिसतात.
चौकट
सध्या सगळीकडेच एक गाव एक गणपती आदर्श उपक्रम राबवला जात असताना मात्र नरवणे गावाने ही परंपरा 166 वर्षांपासून जोपासली आहे ही बाब कौतुकाची आहे.त्याच बरोबर हा गणेशोत्सव गावातील विविध जाती धर्माचे लोक एकत्र येऊन साजरा करतात.
दत्तात्रय महादेव काटकर( सरपंच नरवणे.)
चौकट
गेली दोन वर्ष कोरोना चे सावट असल्यामुळे गणेशोत्सव हा अतिशय साध्या आणि गर्दी विरहित उपक्रमांनी साजरा केला जातो.त्यातूनही एक नवीन निर्माण केला जातो ही बाब कौतुकाची आहे .
विजयसिंह व्यंकट काटकर (पोलीस पाटील.नरवणे)
