“श्री नागोबा देवाच्या यात्रेत बैल बाजार भरणार
यात्रा १९ डिसेंबर ते २५ डिसेंबर या कालावधीत भरणार
म्हसवड -प्रतिनिधी
श्री नागोबा ता.माण येथील धनगर समाजाचे आराध्य दैवत लाखो भाविक भक्तांचे श्रध्दास्थान आसलेल्या नागोबा देवाची यात्रा नामाच्या हरीच चांगभल....कोळ होळच्या राजाचं चांगलभलच्या जयघोषात रविवार दि.१९डिसेंबर पासून प्रारंभ होणार असल्याची माहिती नागोबा देवस्थान ट्रस्टच्या वतीने देण्यात आली.
नागोबा यात्रा १९ डिसेंबर ते २५ डिसेंबर या कालावधीत भरणार आहे.मागील दोन वर्षा पासून कोरोनाजन्य स्थितीमुळे यात्रा भरविण्यात आली नव्हती. चालू वर्षी ही ओमीक्राँनचे व कोरानाचे सावट असल्याने यात्रेत दरवर्षी होणारे गजीन्रत्य,भव्य कुस्ती मैदान,महाप्रसाद आदी सर्व कार्यक्रम रद्द करण्यात आल्याची माहिती ट्रस्ट मार्फत देण्यात आली आहे.यात्रेतील सासन काठी पूजन व पाकळणी पर्यंतचे सर्व विधी व प्रशासनाच्या सर्व नियमांच्या आधीन राहून व कोरोना महामारीचे सर्व नियम पाळून करण्यात येणार आहेत. त्याचबरोबर यात्रेत बैल बाजार ही मोठ्या प्रमाणात भरणार असल्याची माहिती माण तालुका बाजार समितीच्या वतीने देण्यात आली.
श्री नागोबा ची पाकाळणी २५ डिसेंबर रोजी संपन्न होणार असल्याची माहिती संयोजकांनी दिली.या कालावधीत भाविकांनी मंदिर परिसरात विनाकारण जास्त गर्दी न करता,कोराना संदर्भातील सर्व शासकीय नियमांचे पालन करावे असे आवाहन नागोबा देवस्थान ट्रस्ट,माण तालुका मार्केट कमिटी,म्हसवड नगरपरिषद व सातारा जिल्हा परिषद यांच्या वतीने करण्यात आले आहे.
