शनिवारी ज्ञानवर्धिनी हायस्कूल म्हसवड मधील माजी विद्यार्थी स्नेहमेळावा
म्हसवड: महाराणीदेवी अहिल्याबाई होळकर एज्युकेशन सोसायटी सांगली संचलितयेथील ज्ञानवर्धिनी हायस्कूल मधील माजी विद्यार्थी स्नेहमेळावा शनिवारी (ता.२५) सकाळी नऊ वाजता आयोजित केला असुन या मेळाव्यास विद्यालयाच्या सर्व माजी विद्यार्थ्यांनी उपस्थित राहण्याचे आवाहन विद्यालयाचे प्राचार्य जी.डी.मासाळ यांनी केले आहे. ज्ञानवर्धिनी हायस्कूल व ज्यू.काँलेज म्हसवड,या ज्ञानपीठातून बाहेर पडलेले विद्यार्थी केवळ बाहेर पडलेले नसून ते स्थिर भविष्यासाठी ज्ञानाची परिपूर्ण शिदोरी घेऊन कर्तृत्वसंपन्न होण्यासाठी बाहेर पडलेले आहेत.ज्यांचा ऋणानुबंध आजही ज्ञानवर्धिनी विद्यालयाच्या परिवाराशी जोडलेले आहेत.
“स्मृतींची चाळत पाने,बाष्पंध होतसे लोचने” स्मृतींनी कायमची मनात घरे करून गेलेल्या या सर्व माजी विद्यार्थ्यांसाठी विद्यालयाने “माजी विद्यार्थी स्नेहमेळावा” आयोजित केला आहे.
तरी आपण आपल्या सर्व विद्यार्थी मित्रांना स्नेहमेळाव्याबद्दल अवगत करावे. व आपणही या मेळाव्यास उपस्थित राहून शाळेबद्दल आपलं प्रेम आणि आदर व्यक्त करण्याचे भावनिक आवाहन प्राचार्य मासाळ यांनी सर्व माजी विद्यार्थ्यांना केले आहे.
