रासप माण खटाव विधानसभा अध्यक्षपदी आप्पासाहेब पुकळे यांची फेरनिवड
वरकुटे – मलवडी / वार्ताहर
माण तालुक्यातील म्हसवड येथील सामाजिक कार्यकर्ते रासपचे माजी अध्यक्ष आप्पासाहेब विठोबा पुकळे यांच्या कार्याची दखल घेत राष्ट्रीय समाज पक्षाचे संस्थापक अध्यक्ष , माजी मंत्री व आमदार महादेवराव जानकर साहेब यांच्या आदेशानुसार राष्ट्रीय समाज पक्षाच्या माण – खटाव विधानसभा अध्यक्षपदी पुन:श्च फेरनिवड करण्यात आली असल्याचे पक्षाचे जिल्हा सचिव अँड.विलास चव्हाण यांनी जाहीर केले आहे.
माण तालूक्यासह जिल्ह्यात आप्पासाहेब पुकळे पक्ष स्थापनेपासून राष्ट्रीय समाज पक्षाच्या वाढीसाठी सक्रीय आहेत. त्यांनी माण तालुक्यातील अनेक निवडणुकीत सक्रीय सहभाग घेतला आहे. माण तालुक्यातील नव्हे तर जिल्ह्यामध्ये पुकळे यांचे नाव आजही आदराने घेतले जाते. म्हसवड नगरपालिका , पंचायत समिती व माण तालुका कृषी उत्पन्न बाजार समितीच्या नगरसेवक , नगराध्यक्ष , संचालक , सभापती , उपसभापती पदाच्या निवडणुकीत राष्ट्रीय समाज पक्षाच्या उमेदवारांना पदे मिळवून देण्यासाठी केलेल्या उल्लेखनीय केलेल्या कामाची दखल दखल माजी कँबिनेट मंत्री आमदार महादेवराव जानकर , राज्य कार्यकारणी सदस्य बबनदादा विरकर , जिल्हा अध्यक्ष मामूशेठ विरकर , जिल्हा उपाध्यक्ष दादासाहेब दोरगे , जिल्हा सचिव अँड. विलास चव्हाण यांनी आप्पासाहेब पुकळे यांच्यावर विश्वास दाखवून फेरनिवड केली आहे.
आप्पासाहेब पुकळे यांची निवड झाल्याबद्दल माण पंचायत समितीच्या माजी सभापती सौ. लतिका विरकर , माण मार्केट कमिटीच्या उपसभापती सौ. वैशालीताई विरकर , रासपचे नेते खंडेराव जगताप जिल्हा युवक सचिव आकाश विरकर , माण तालुका अध्यक्ष दत्ता खांडेकर , महिला तालूकाध्यक्ष सौ.सुरेखा काळेल , महिला जिल्हा उपाध्यक्ष सीमाताई बनसोडे , मार्केट कमिटीचे संचालक ब्रम्हदेव पुकळे , मार्केट कमिटीचे संचालक रमेश यादव , उपाध्यक्ष दादासाहेब डोंबाळे , माजी तालुकाध्यक्ष बाळासाहेब डोंगरे , रासप नेते शिवाजी बरकडे , रासप नेते दादासाहेब माळवदे , शिरतावचे उपसरपंच भिमराव निकाळजे आदींनी अभिनंदन केले.
चौकट
महाराष्ट्र राज्याचे माजी कँबिनेट मंत्री , राष्ट्रीय समाज पक्षाचे संस्थापक अध्यक्ष व आमदार महादेवराव जानकर साहेब यांच्या विचारानुसार मी माण – खटाव तालुक्यात राष्ट्रीय समाज पक्षाचे निष्ठावंत म्हणून काम पाहत असून माजी मंत्री आ.महादेवराव जानकर यांनी मला वेळोवेळी विविध पदावर काम करण्याची संधी दिली आहे.आता नुकतीच माण – खटाव विधानसभा अध्यक्षपदी निवड करण्यात आली असून आमचे नेते जिल्हाध्यक्ष मामूशेठ विरकर , जिल्हा कार्यकारणी सदस्य बबनदादा विरकर , जिल्हा उपाध्यक्ष दादासाहेब दोरगे यांच्या नेतृत्वाखाली माण – खटाव तालुक्यातील युवकांचे संघटन करून रासप पक्ष वाढवण्यासाठी मी प्रयत्नशील राहणार आहे.
– आप्पासाहेब पुकळे
अध्यक्ष , रासप माण – खटाव विधानसभा
