के.एम शुगरचे १५ डिसेंबर पर्यंतचे बिल शेतकऱ्यांच्या खात्यात वर्ग – प्रीती
मायणी:- सतीश डोंगरे
खटाव माण अँग्रो साखर कारखाने चालू गळीत हंगाम सन ,-२०२१-२२साठी गळीतास आलेल्या उसाचे १५ डिसेंबर पर्यंतचे बिल प्रतिटन २५०० रुपये प्रमाणे संबंधित शेतकऱ्याच्या बँक खाती रक्कम जमा करण्यात आल्याची माहिती कारखान्याचे संचालक प्रीतीताई घार्गे यांनी दिली
यावेळी बोलताना प्रीतीताई घार्गे म्हणाल्या, कारखान्याचे चेअरमन प्रभाकर घार्गे, को-चेअरमन मनोज घोरपडे, कार्यकारी संचालक संग्राम घोरपडे यांच्या दूरदृष्टीतुन उभा राहिलेला हा साखर कारखाना आपली यशस्वी वाटचाल करीत आहे.गाळपास येणाऱ्या उसाचे एफआरपी प्रमाणे पेमेंट वेळेत अदा करणारा कारखाना असा कारखान्याचा नावलौकिक असून. खटाव माण साखर कारखान्याचा तिसरा गळीत हंगाम पूर्ण क्षमतेने व नियोजन पद्धतीने सुरू असून कारखान्याने गाळपास येणाऱ्या उसाला एफ.आर.पी नुसार वेळेत ऊस बिल अदा करण्याची परंपरा कायम ठेवली आहे .
२०२१ -२२ चा गळीत हंगाम २१ ऑक्टोबर रोजी सुरू झाला असून या गळीत हंगामात ७ लाख २५ हजार मेट्रिक टन एवढ्या विक्रमी गाळपाचे उद्दिष्ट असून हा विक्रम साकारण्यासाठी कारखान्यातील संपूर्ण यंत्रणा मोठ्या जोमाने कार्यरत आहे. चालू हंगामात प्रति दिन ४ हजार ५०० मेट्रिक टन क्षमतेने गाळप सुरू असून १५ डिसेंबर अखेर २,४१,४१० मेट्रिक टन गाळप झाले असून १०.१०% इतका साखर उतारा घेऊन २,४३,८२४ क्विंटल साखर उत्पादित करण्यात आली आहे.
१६ नोव्हेंबर ते १५ डिसेंबर दरम्यान गाळपास आलेल्या १,२२,५७९ मेट्रिक टन उसाला २५०० प्रमाणे ३० कोटी ६४ लाख रक्कम संबंधित ऊस पुरवठा शेतकऱ्यांच्या खात्यावर १२जानेवारी २०२२ रोजी जमा केले आहे.आज अखेर कारखान्याकडून ६० कोटी रुपये शेतकऱ्यांच्या खात्यावर वर्ग करण्यात आल्याची माहिती विक्रम घोरपडे यांनी दिली.
याचबरोबर शेतकरी व कामगार वर्गाचे सहकार्य संचालक मंडळाचे काटकसरीचे धोरणामुळे यशस्वी ठरत असलेला केएम शुगर कारखान्याच्या कार्यक्षेत्रात चेअरमन प्रभाकर घार्गे व मनोज घोरपडे यांच्या दूरदृष्टीतुन डिस्टिलरी प्रकल्प उभारणीचे काम वेगाने सुरू असून लवकरच तातडीने ते पूर्ण होईल असा विश्वास संचालक विक्रम घोरपडे व प्रीती घार्गे यांनी व्यक्त केला.
