खासदार संभाजीराजे छत्रपतींना मायणी मराठा क्रांती मोर्चा समितीचा जाहीर पाठिंबा। शासनाने सर्व अटी मान्य केल्याने सर्वत्र आनंदाचे वातावरण
मायणी:- दत्ता कोळी
खासदार संभाजीराजे छत्रपती हे मराठा समाजाला आरक्षण मिळावं आणि त्यांच्या मागण्या पूर्ण व्हाव्यात यासाठी आझाद मैदानावर संभाजीराजे उपोषणास बसले आहेत. एकटे संभाजीराजे जरी उपोषणाला बसले असले तरी संपूर्ण महाराष्ट्रातून त्यांना मोठा पाठिंबा मिळत होता.
यास मायणी परिसर आणि मराठा समाज यांचे प्रतिनिधी म्हणून मुंबई येथे आझाद मैदानावर होत असलेल्या या उपोषणास मायणी मराठा क्रांती मोर्चा समिती कडूनही जाहीर पाठिंबा देण्यात आला होता.
या आंदोलनास्थळी उपस्थित राहत मायणी मराठा मोर्चा समितीच्या कार्यकर्त्यांनी राजेंसोबत एक दिवस उपोषणही केले.
छत्रपती संभाजी राजे यांच्या समर्थनार्थ मायणी सकल मराठा समाज वतीने प्रतिनिधी म्हणून मराठा क्रांती मोर्चाचे डॉ.विकास सदाशिव देशमुख,सचिन शामराव माने,रणजित बाबासो माने,विजयकुमार देखमुख हे उपस्थित राहिले.
यावेळी बोलताना डॉ.विकास देशमुख म्हणाले,मराठा आरक्षण व सारथी संस्थेविषयी असणाऱ्या अनेक समस्यांचा कायमस्वरूपी तोडगा काढण्यात यावा यासाठी खासदार संभाजीराजे छत्रपती उपोषणास बसले होते.यास आम्ही जाहीर पाठिंबा दिला होता व तो कायम त्यांच्या सोबत असेल.आमचा राजा उपाशी असून उपोषणाने राजेंच्या तब्बेत खालावली होती.यामुळे सकल मराठा समाजात असंतोष पसरला असता.यावर तातडीने तोडगा निघून राजेंनी सांगितलेल्या अटींना शासनाने मान्य केल्याने आम्ही अत्यंत आनंदित झालो आहोत.
फोटो ओळी- मराठा आरक्षणप्रश्नी आझाद मैदान मुंबई याठिकाणी उपोषण करीत असलेल्या खासदार संभाजीराजे छत्रपती यांना प्रत्येक्ष स्थळी जाऊन जाहीर पाठिंबा देताना मायणी येथील.डॉ.विकास देशमुख,सचिन माने,रणजित माने,विजयकुमार देशमुख.आदी
