उपाळेवांगीत ग्रामीण कृषी कार्यानुभव कार्यक्रमांतर्गत कृषी कन्यांचे आगमन.
उपाळे-वांगी(ता.कडेगाव) येथे महात्मा फुले कृषी विद्यापीठ राहुरी संलग्न भारती विद्यापीठाचे लोकनेते मोहनराव कदम महाविद्यालय कडेगांव, ग्रामीण कृषी कार्यानुभव कार्यक्रम अंतर्गत कृषी कन्यांचे आगमन झाले.
शेतकऱ्यांनी कृषी कन्यांकडून ग्रामीण कार्यानुभव कार्यक्रमाची तसेच शेतीसाठी येणाऱ्या नवंनविन तंत्रज्ञानाची माहिती करून घ्यावी.शेतकऱ्यांकडून पारंपरिक शेतीचे धडे घ्यावे. तसेच शेतकऱ्यासाठी विविध कार्यक्रमांचे आयोजन करून त्यातून आधुनिक शेती विषयी जागरूकता निर्माण करण्यास मदत होईल. असे प्रतिपादन येथील सरपंच वैशालीताई माने यांनी केले.
या वेळी उपसरपंच अरविंद माने ग्रामसेवक ए. पी. कदम , ग्रामपंचायत सदस्य, सोसायटी चे चेयरमान व्हा. चेअरमन व ग्रामस्थ मोठ्या संख्येने उपस्थित होते.
ग्रामीण कृषी कार्यानुभव कार्यक्रमाचे प्रमुख प्राचार्य डॉ. डी. एम. सावंत, समन्वयक डॉ. सी. डी. औताडे, कार्यक्रम अधिकारी प्रा. ए. एच. पाटील, प्रा. एस. टी. माने, प्रा. व्ही. एस. शिंदे यांच्या मार्गदर्शनाखाली कृषीकन्या श्वेता कारंडे, प्रियांका कुंभार, प्रनोती गावडे, प्रतीक्षा देसाई, काजल खाडे, गायत्री चव्हाण या शेतकऱ्यांना मार्गदर्शन करणार आहेत.
