दहावीच्या बोर्ड परीक्षेत मुस्कान अब्दुल मुलाणी हिला 96.20टक्के.
नरवणे( वार्ताहर)
अशोक हांडे
नरवणे तालुका माण येथील श्री गणेश विद्यालयाची कुमारी मुस्कान अब्दुल मुलाणी हीने 96.20 टक्के गुण मिळवून प्रथम क्रमांक पटकावला आहे. अत्यंत हलाखीच्या परिस्थितीतून अभ्यास करत मुस्कान हिने हे यश मिळवले आहे. त्याच बरोबर द्वितीय क्रमांक सूयश शहाजी काटकर 94.20 %/ संकेत किसन चव्हाण 94. 20 %,तृतीय क्रमांक गौरव ज्ञानेश्वर पवार 93.80%असे आहेत.
या सर्व विद्यार्थ्यांनी शाळेचा नावलौकिक केला आहे अशी चर्चा परिसरातून व्यक्त होत आहे. गेली दोन वर्ष कोरोना सारख्या प्रतिकूल परिस्थितीतून विद्यार्थ्यांच्या अभ्यासाची होत असणारी दशा, ऑनलाइन शिक्षण, बदललेल्या मानसिक परिस्थिती मधून या सर्व विद्यार्थ्यांनी स्वतःला सिद्ध करत भरघोस यश संपादन केल्याने हा निकाल इतर सर्व वर्षांच्या निकाल यापेक्षा वेगळा आहे अशी चर्चा परिसरातून होताना दिसते .
शिक्षकांच्या मिळेल त्या मार्गदर्शनावर आणि वेळापत्रकानुसार स्वयं अध्ययन करून सर्व समस्यांमधून वाट काढत यश संपादन केले आहे. मुख्याध्यापक श्री भोसले सर व सर्व शिक्षक वृंद यांच्याकडून विद्यार्थ्यांना कौतुकाची थाप मिळत आहे. शाळा व्यवस्थापनाकडून पालकांकडून तसेच ग्रामस्थांकडून आणि परिसरातून या विद्यार्थ्यांचे कौतुक होत आहे.
