एस.टी महामंडळ वडूज येथे स्वातंत्र्याचा अमृत महोत्सव उत्साहात साजरा.
विभागीय प्रतिनिधी-धिरेनकुमार भोसले
वडूज – भारतीय स्वातंत्र्याचा ७५ वा अमृत महोत्सव एस.टी .महामंडळ वडूज आगार येथे मोठ्या उत्साहात संपन्न झाला.मा.आगार व्यवस्थापक विक्रमसिंह देशमुख यांच्या हस्ते ध्वजारोहण करण्यात आले.सदर कार्यक्रमास स्थानक प्रमुख सय्यद मॅडम, वाहतूक निरिक्षक गणेश राऊत, विशाल लावंड,,सुरक्षारक्षक कदम,फडतरे, पटेल,नंदकुमार खाडे,आनंदा कदम,तसेच एस.टी.चे सर्व कर्मचारी चालक,वाहक,यांत्रिकी कर्मचारी उपस्थित होते. सदर कार्यक्रमासाठी हुतात्मा परशुराम विद्यालय वडूजचे इयत्ता नववी चे विद्यार्थी व विद्यार्थींनी त्यांचे वर्गशिक्षक चव्हाण उपस्थित होते. तसेच या कार्यक्रमासाठी प्रा.नागनाथ स्वामी सर यांची प्रमुख उपस्थिती होती.
स्वातंत्र्य महोत्सवाचे औचित्य साधून मा.आगार व्यवस्थापक यांनी उत्कृष्ट कामगिरी करणार्या चालक-वाहक तसेच यांत्रिकी कर्मचारी यांना पुष्पगुच्छ व सन्मानपत्र देऊन गौरविण्यात आले.
त्याचबरोबर एस.टी .कर्मचारी यांचे पाल्य गुणवंत विद्यार्थी कु.पारस संतोष वाघ,व कु.पुर्वा संतोष बोराटे यांना शालेय दप्तर देऊन गौरविण्यात आले.व पुढील शैक्षणिक कारकिर्दीसाठी आगार व्यवस्थापक विक्रमसिंह देशमुख तसेच प्रा.नागनाथ स्वामी सर,स्थानक प्रमुख सय्यद मॅडम यांनी शुभेच्छा दिल्या.
यावेळी आगार प्रमुख विक्रमसिंह देशमुख यांनी आपले मनोगत व्यक्त केले तसेच कर्मचाऱ्यांना स्वातंत्र्य दिनाच्या शुभेच्छा दिल्या.व एस.टी.ची प्रतिमा जनमानसात उंचवण्यासाठी प्रयत्न करावेत असे आव्हान केले.
हा कार्यक्रम यशस्वी करण्याकरिता संतोष बोराटे, सुनील भिसे,पोरे मॅडम, यादव मॅडम, हांगे,इत्यादी कर्मचाऱ्यांनी परिश्रम घेतले.
