कर्तव्यावरील बांधवाना विद्यार्थिनींनी बांधल्या राख्या
गांधीटेकडी इंग्लिश मिडीयम स्कुलचा अनोखा उपक्रम
पाटण :- प्रतिनिधी
सरकारी कर्मचारी अथवा आपल्या नोकरी व व्यवसायातील व्यस्तथेमुळे अनेक हिंदू संस्कृतीतील सणांना मुकणाऱ्या शासकीय ,निमशासकीय अधिकाऱ्यांना यंदाचे रक्षाबंधन आनंदाचे आणि गोड भेट देणारे ठरले.मारुल हवेली ता.पाटण येथील रयत इंग्लिश मेडिकल स्कुलच्या विद्यार्थिनींनी धागा स्नेहाचा, बंधन आपुलकीचे, सन्मान कर्तुत्वाचा अनोखा उपक्रम राबवत सरकारी निमसरकारी ,गावपातळीवरील कार्यालयातील अधिकारी व कर्मचाऱ्यांना राख्या बांधून एक समाज बंधन निर्माण करून त्यांना गोड भेट दिली.
स्कुलच्या २५० विद्यार्थी -विद्यार्थिनींनी प्रत्येक्ष आपल्या हाताने ५०० राख्या तयार केल्या आणि रक्षाबंधनाच्या निम्मिताने मल्हारपेठ पोलिस ठाणे,प्राथमिक आरोग्य केंद्र, मल्हारपेठबैंक ऑफ महाराष्ट्र, शाखा, मल्हारपेठ ,मारूल हवेली येथील ग्रामपंचायत , पोस्ट ऑफिस, सातारा जिल्हा मध्यवर्ती सहकारी बैंक कर्मचारी, मारुल हवेली अखंड नंदादीप उत्सव समितीचे सदस्य ,
दिवशी बुद्रुक येथे ग्रामपंचायत कार्यालय, सेवा सोसायटी कार्यालय, स्वस्त धान्य दुकान, पोस्ट ऑफिस या ठिकाणी आपल्या कर्तव्यात मग्न असणाऱ्या अधिकारी व कर्मचारी वर्गास राखी बांधल्या. यात विशेष म्हणजे दिंडुकलेवाडी बस स्थानक याठिकाणी प्रत्येक्ष बस थांबवून राज्य परिवहन महामंडळाचे कर्त्यव्यावर असनारे कर्मचारी यांना राख्या बांधल्या याबरोबरच मारुल हवेली विभागा मधील कोरीवळे, टेळेवाडी, पापर्डे , बहुले, गारवडे, सोनाईचीवाडी, नावडी, मंद्रुळ हवेली, जमदारवाडी, नारळवाडी, या गावच्या विद्यार्थिनी आपआपल्या परिसरातील शेतकरी, आजी माजी सैनिक, आरोग्य सेवक, महावितरण चे कर्मचारी, वार्ताहर, मेडिकल स्टोर चे मालक व कर्मचारी, मनोरुग्न, शिक्षक यांना राख्या बांधल्या.
तसेच विभागामधील सेवानिवृत्त लष्कर अधिकारी सुभेदार दिनकर मगरे व विवीध पदावर कार्यरत असलेले विभागांमधील अधिकारी व आजी माजी सैनिक यांचा सत्कार व रक्षाबंधन समारंभ स्कुलमध्ये साजरा केला गेला.
सदर उपक्रमाचे समाजातील सर्वच स्तरातून स्वागत व कौतुक करण्यात आले.
या उपक्रमास मुख्याध्यापक रोहित शिंदे, सांस्कृतिक विभाग प्रमुख व सर्व सहकारी शिक्षक व शिक्षकेत्तर कर्मचारी यांचे मार्गदर्शन लाभले.
फोटो ओळी :- रक्षाबंधन निम्मित अनोखा उपक्रम अंतर्गत पोलीस अधिकाऱ्यांना राखी बांधताना रयत इंग्लिश मेडिअम स्कुलच्या विद्यार्थिनी…(फोटो- कोमल सदामत)
