पिंगळी येथे विधवा प्रथा बंदी उपक्रम उत्साहात संपन्न
(महिला सन्मानाच्या दिशेने उचलले महत्वाचे पाऊल)
समाजातील विधवा महिलांची क्रूरप्रथा मोडीत काढत पिंगळी बु !! , ता.माण येथील ग्रामस्थांनी पुढाकार घेऊन विधवा प्रथा बंदी च्या उपक्रमात सहभाग घेऊन एक आदर्श निर्णय घेतला .
माण तालुक्यातील किरकसाल , गोंदवले, रानंद , बिदाल , मार्डी यानंतर पिंगळी या गावाने यामध्ये सहभागी होऊन हा उपक्रम उत्साहात पार पाडला.
यासाठी प्रामुख्याने पिंगळी बु!! येथील युवा विद्यार्थीनी कु. तेजस्विनी राजेंद्र जाधव हिने पुढाकार घेत गेल्या एक महिन्यापासून अहोरात्र कष्ट घेतले व तिच्या या प्रयत्नांना ग्रामस्थांनी चांगली साथ दिली व ग्रामसभेत या निर्णयावर शिकमोर्तब झाले .दि.5 सप्टेंबर रोजी म्हणजेच शिक्षक दिन या दिवसाचे औचित्य साधून विधवा बंदी प्रथा मोडीत काढत हा उपक्रम जवळपास शंभर ते दीडशे महिलांच्या उपस्थितीत उत्साहात पार पडला
यादरम्यान विधवा महिलांना हळदी कुंकू लावून व हिरवा चुडा भरून विधवा प्रथा बंद करण्यात आली व महिलांच्या सन्मानाच्या दिशेने एक पहिले महत्वाचे पाऊल उचलले.
देवी सरस्वती , राजमाता जिजाऊ , पुण्यश्लोक अहिल्याबाई होळकर , क्रांतीज्योती सावित्रीबाई फुले यांच्या प्रतिमेचे पूजन जि. प सदस्य सौ. भरती पोळ यांच्या हस्ते करून विधवा महिलांची हरवी साडी व बांगड्यांनी ओटी भरून या कार्यक्रमाची सुरुवात केली. यावेळी अनेक महिला भगिनींनी आपल्या भावना व्यक्त केल्या व अखेरीस समाजाने लादलेल्या शृंखला समाजानेच तोडल्या .
या कार्यक्रमासाठी जि.प.सदस्य डॉ भरती पोळ , सरपंच जीवन कांबळे , उपसरपंच सौ वनिता कोकरे , ग्रामपंचायत सदस्य श्रीकांत जगदाळे , जितेंद्र तुपे , श्री सचिन जगदाळे(चेअरमन) , श्री . सुनील कंबळे (उप चेअरमन) , श्री राजेंद्र जगदाळे , श्री अरुण जगदाळे , युवा दिग्दर्शक - पत्रकार अमर शिंदे , श्री दिलीप अर्जुन , श्री सदाशिव जगदाळे , पो.पा. सौ कल्पना राजे , सौ. वर्षा जगदाळे , सौ सोनाली जाधव , कु.तेजस्विनी जाधव , जय भवानी विद्यालयाच्या उपशिक्षिका सौ . जयश्री निकम मॅडम यांनी महत्वाचे परिश्रम व सहभाग घेतला.कार्यक्रमाचे सूत्रसंचालन ग्रामसेवक श्री काझी यांनी केले व जय भवानी विद्यालयाच्या उपशिक्षिका सौ . जयश्री निकम मॅडम यांनी विशेष मार्गदर्शन केले.
