श्रीमती चेतना सिन्हा यांना
अमेरिकेत माजी राष्ट्राध्यक्ष बिल क्लिंटन हस्ते पुरस्कार
न्यूयॉर्क : येथील श्रीमती चेतना सिन्हा यांनी माण देशी महिला बँक व माण देशी फौंडेशनच्या माध्यमाने भारतातील ग्रामीण महिलांना डिजिटल साक्षर करण्यास दिलेल्या योगदानाची दखल घेऊन त्यांना अमेरिकेतील न्युयॉर्क येथील”क्लिंटन ग्लोबल इनिशियेटिव्ह” कार्यक्रमात अमेरिकेचे माजी राष्ट्राध्यक्ष बिल क्लिंटन व माजी परराष्ट्रमंत्री हिलरी क्लिंटन यांच्या हस्ते पुरस्कार देऊन त्यांचा गौरव करण्यात आला.
“क्लिंटन ग्लोबल इनिशियेटिव्ह” या कार्यक्रमात पुरस्कार देऊन सत्कार केल्यानंतर श्रीमती सिन्हा यांनी भारतातील ग्रामीण भागातील महिलांना डिजिटल साक्षर करण्याचा जो उपक्रम माण देशी फौंडेशन व महिलांना बँक राबवित असुन त्याची दहा लाख महिला पर्यंत व्याप्ती कशी होत गेली.
याबरोबरच या उपक्रमामुळे ग्रामीण भागातील महिलांचे आयुष्य कसे बदलत गेले याची सविस्तर माहिती उपस्थितांना दिली.
याबरोबरच माण देशी ग्रामीण तरुण मुलींना खेळाच्या माध्यमातून जागतिक स्थान मिळवून देण्याचा प्रयत्न करत असल्याचे नमुद करुन देशात कोरोनाच्या साथीच्या संकटानंतर ग्रामीण भागातील आरोग्य सेवेतील त्रुटी निदर्शनास आल्यामुळे ग्रामीण भागातील आरोग्य सेवा सक्षम करण्यासाठी माण देशीने सार्वजनिक आरोग्य क्षेत्रातही सेवा कार्य सुरु केले असल्याची माहिती दिली.
या बरोबरच”जगात वाढतच चाललेल्या प्रदुर्षणाच्या समस्येवर”क्लिंटन ग्लोबल इनिशियेटिव्ह” जे कार्य जागतिक स्तरावर कार्य करीत आहे हि बाब खुपच कौतुकास्पद अशी आहे.
प्रद्रुर्षणाच्या वाढत्या प्रभावाच्या समस्येमुळे आता येथुन पुढे जागतिक स्तरावर हवामानातील बदल (क्लायमेट चेंज) या समस्येवर जोमाने कार्य करणे गरजेचे असुन हवामान बदलाचे ग्रामीण भागामध्ये विशेषत: शेती व्यवसायावरही खुपच परिणाम जाणऊ लागले आहेत.
या कार्यक्रमासाठी माण देशी चॅम्पियन्सचे अध्यक्ष प्रभात सिन्हा याबरोबरच अमेरिकेतील सामाजिक सेवा संस्थाचे प्रतिनिधी,कृषि क्षेत्रातील तज्ञ,प्रगतशील शेतकरी उपस्थित होते.
