हिंदू धर्मरक्षण आपले प्रथम कर्तव्य – संभाजी भिडे (गुरुजी)
मायणी येथे मार्गदर्शन शिबीर संपन्न
मायणी :- प्रतिनिधी
संपूर्ण हिंदुस्थान मधील हिंदू धर्माचे रक्षण करण्यासाठी छत्रपती शिवाजी महाराज यांच्या विचारांचा वारसा जपण्यासाठी सर्वांनी अपार कष्ठ घेण्याची आज गरज असून धर्माचे ,परंपरेचे रक्षण करणे समस्त हिंदू जणांचे प्रथम कर्तव्य आहे असे प्रतिपादन श्री शिवप्रतिष्ठान हिंदुस्थानचे संस्थापक संभाजी भिडे गुरुजी यांनी मायणी या ठिकाणी केले. ते श्री शिवप्रतिष्ठान हिंदुस्तान खटाव यांचे कडून सरुताई मठ मायणी याठिकाणी आयोजित मार्गदर्शन शिबिरामध्ये बोलत होते.
या शिबिराच्या सुरुवातीला छत्रपती शिवाजी महाराजांना गुरुजींच्या उपस्थितीत वंदन करण्यात आले. यानंतर गावोगावात नवरात्र उत्सवाच्यावेळी महाराष्ट्रातील अनेक ठिकाणाहून तसेच महाराष्ट्र बाहेरच्या देवस्थानहून दुर्गा मातेची ज्योत आणणारी मंडळे,व सलग मैलोनमैल धावून विक्रम करणाऱ्या मावळ्यांचा तसेच गावोगावात दुर्गादौड आयोजित करणाऱ्या आयोजकांचा भिडे गुरुजींच्या हस्ते सन्मान करण्यात आला.
श्री शिवप्रतिष्ठान हिंदुस्थान ने राजधानी श्रीमान रायगडावर ३२ मण सुवर्ण सिंहासन पुनर्प्रस्थापित करण्याची शपथ घेतली आहे . यासंबंधी भिडे गुरुजींनी उपस्थितांना मार्गदर्शन केले.
यावेळी श्री शिवप्रतिष्ठान हिंदुस्थान खटाव यांचेकडून रविवार दि.३० ऑक्टोंबर २०२२ रोजी कलाई गार्डन पुसेसावळी या ठिकाणी गुरुवर्य संभाजी भिडे यांच्या मार्गदर्शनाखाली आयोजित सभेत पुन्हा मोठ्या संख्येने एकत्र येण्याचा संकल्प करण्यात आला.
या शिबिरास मोठ्या प्रमाणात वारकरी युवक वर्ग ग्रामस्थ मोठ्या संख्येने उपस्थित होते.
फोटो ओळी : – श्री शिवप्रतिष्ठान हिंदुस्थान ,खटाव यांचेकडून आयोजित शिबिरात उपस्थित धारकऱ्यांना मार्गदर्शन करताना संस्थापक संभाजी भिडे गुरुजी…
